Sera vælumtókta tiltakið í Fuglafirði - Bindifestivalurin - verður nú aftur í apríl, sum hann plagar.
Tað siga tey, sum standa aftan fyri hetta tiltak.
Bindifestivalurin í 2022 verður tó nakað øðrvísi, enn hann hevur verið hini árini.
Í ár verður hann nevniliga hildin á Hellunum hósdagin og fríggjadagin 28. og 29. apríl.
- Luttakaratalið verður rættiliga avmarkað; men skráin verður gevandi, siga tey í Fuglafirði.
Eitt av málunum við Bindifestivalinum er at heiðra og varðveita okkara ríku bindimentan.
