Í dag, 7. november, fyllir heimskendi prædikumaðurin Billy Graham 90 ár. William Franklin Graham (Billy) varð føddur 7. november 1918 í Charlotte, North Carolina, í USA.
Billy Graham hevur gjøgnum møtirøðir, radio-og sjónvarpstøðir talað til fleiri fólk kring heimin enn nakar annar prædikumaður, sum nakrantíð hevur livað.
Billy Graham hevur verið andaligur ráðgevi hjá fleiri amerikanskum forsetum, og hann varð nummar sjey á listanum hjá Gallup yvir mest høgt mettu persónar í heiminum í 20. øld.
Hann var giftur Ruth (Bell), sum andaðist 14. juni 2007, 87 ára gomul. Tey fingu fimm børm saman, og Billy Graham eigur 19 abbabørn og 28 oldurabbabørn.
