Eg gráti á Interneti,
nú morgunmat eg eti
í teimum Hvítu húsunum
á morgunmatarbønarmøti.
Vit fáa ost og keks
fyri angur hjá Bill Clinton
og hansara sex.
Á Bøvegi á Internótum
hevur Bill Clinton verið ljótur.
Monica Levinsky
rósar út og inn í skart og skrúð,
onkur sigur at hon er fúl,
og Billurin er freistaður av hesi »frú«?
Gott er at hava dómara til mann
og biskop
til morbróður,
og nú hava ein tekopp
í staðin fyri
Livenskysa kropp -
og hennara sexutu ond -
í síni hond!
Á morgunmatar møti
eru prestar og klerkar
og nógvir talerkar.
Fyrigeving Bill Clinton biður
og vónar at nú er friður,
og at Monica Levinsky tigur.
Men á Internót
er harður streymur og høg flóð.
Har súðar út og inn
og
Bill Clinton gimar
í síni synd ellivur ferðir!
Við einum glasi av visky
hevur hann havt óhóskandi
kynsliga nærveru
við Monicu Levinsky.
Hann kann rokna við
einari ríkisrættarsøk,
men hetta hevur hann so gjørt
í einari djúpari sofu
tætt við ein lítlan tekøk
í teimum Hvítu húsunum.
Nú angrar Bill Clinton
og drekkur bert te
úr einum teblaði
av Lipton.
Men teblaðið er lítið,
og syndin er stór,
hon um allan heimin fór
á Internót,
har prestur
og klerkar
og nógvir talerkar
í tí hvítu Borgini
gráta í hesi sexutu sorgini,
tí má tann lippandi Bill Clinton
drekka ein duss
av Lipton!
Frits
