Tvær slíkar fráboðanir hevur løgreglan fingið seinasta samdøgrið.
Í tí eina førinum vísti alt seg at gera í lagi, men í einari aðrari hending um 05-tíðina í nátt er ein ungur bilførari skuldsettur fyri ikki at koyra eftir forskriftunum.
Vaktleiðarin visti í morgun at siga, at í hesum førinum var tað ein bilførari, sum meldaði, tí hesin helt, at førarin í einum øðrum bili gjørdi løgnar yvirhálingar og koyrdi við nógvari ferð.
Talan var eisini um koyring í bygdum øki.
- Í slíkum føri fáa vit ofta fráboðanir um, at koyrt verður yvir skákateigar, og at førarin annars uppførir seg øðrvísi á vegnum, enn vanligt er undir koyring.
Løgreglan sigur, at í hesum førinum var talan um ein bilførara, sum hevði havt koyrikortið í eini tvey ár, og hann er nú skuldsettur fyri skilaleysa koyring.
