Hagtølini hjá Akstovuni vísa at sølan av nýggjum persónbilum stendur í stað í mun til fyrsta ársfjórðing í fjør. Nú fyrsti ársfjórðingurin er farin av 2011, vísa hagtølini hjá Akstovuni, at sølan av nýggjum persónbilum stendur í stað í mun til fyrsta ársfjórðing í fjør. Í ár vórðu seldir 167 persónbilar í mun til 169 í fjør.
Sølan av vørubilum er ikki stór, men hon er tó vaksin við 35 prosentum úr 17 upp í 23 bilar. Samlaði vøksturin av nýggjum akførum er 5,6 prosent.
