FSF skrivar:
- Mikukvøldið vóru fjórðingsfinalurnar í steypakappingini hjá kvinnum á skránni. Úrslitini háttaðu seg soleiðis, at HB, KÍ, Skála og Víkingur hava spælt seg í hálvfinalurnar
Við trivaligum sigri á FC Hoyvík, hevur KÍ spælt seg víðari í steypakappingini kvinnum, saman við HB, Skála og Víkingi.
Mikukvøldið vóru fjórðingsfinalurnar á skránni. KÍ vann 9-0 á hoyvíkskvinnum, Skála sendi 07 Vestur til hús við einum 6-2 tapi, og í Sarpugerði vann Víkingur 3-0 á B36.
Fjórði dysturin var við Løkin í Runavík, har NSÍ, sum vann steypakappingina í fjør, hevði vitjan av HB. Og aftaná dystin er greitt, at nýggjur steypavinnarin skal finnast hjá kvinnum. Eftir longda leiktíð og brotssparkskapping vann HB 3-0.
Stóra hetjan hjá teimum reyð-svørtu var málverjin Gunvá Lützen. Miðskeiðis í seinna hálvleiki í vanliga dystinum bjargaði hon brotssparki, og í brotssparkskappingini tók hon aftur eitt, meðan tvey fóru fram við málinum.
Hvussu liðini møtast í hálvfinalunum, verður avgjørt við lutakasti, sum verður á Tórsvølli í morgin, hósdagin. Hálvfinalurnar verða spældar 3. og 14. septembur. Finalan í steypakappingini hjá kvinnum verður á Tórsvølli leygardagin 27. septembur. Skrivar FSF.
