Bier fær Hugh

Danski leikstjórin Susanne Bier hevur fingið eina veruliga filmsstjørnu at spæla við í sínum næsta filmi, sum kallast Lost for Worlds.

Tað er bretin Hugh Grant, sum skal spæa við í filminum hjá Bier, og tað skrivar Ekstrablaðið. Hugh Grant er kendur sum tann eitt sindur ørkymlaði maðurin í filmum sum Four Weddings And A Funeral og Notting Hill. Kvinnuligi høvuðsleikarin í filminum hjá Susanne Bier verður Zhang Ziyi.