Í morgun kom amerikanski forsetin, Joe Biden, til Ísraels, har flogfarið hjá forsetanum lendi í Tel Aviv fyrrapartin.
Vitjanin hjá forsetanum er dagin eftir, at eitt sjúkrahús í Gaza varð álopið, og fleiri hundrað sivilfólk lótu lív.
Ísrael sigur, at tað var ein rakett hjá islamiskum heilagum kríggi, sum fór av kós.
Bólkar í Gaza siga, at hetta var eitt ísraelskt álop.
Ætlanin við ferðini hjá Joe Biden var at vísa Ísrael stuðul, eftir ógvusliga rakettálopið hjá Hamas á Ísrael hin 7. oktober.
Amerikanski forsetin hevur sagt, at hann fer at seta ísraelska forsætisráðharranum, Benjamin Netanyahu, eina røð av spurningum.
Spurningarnir fara at snúgva seg um tað, sum hendi í Gaza í gjár, tá al-Ahli-sjúkrahúsið varð rakt.
- Eg eri karvandi óður um spreingingina, sum rakti sjúkrahúsið í Gaza, segði amerikanski forsetin seint í gjárkvøldið.
