Hóast veðrið leikaði í allan gjárdagin, hevur løgreglan bert fingið ta einu fráboðanina um stormskaða.
Henda fráboðanin kom úr Skálafirði rættari sagt beint við Statoil-støðina á hesum staði.
Her er vanligt at fólk seta bilar frá sær á parkeringsøkinum niðan móti landsvegnum. Og tað var eisini her, at tveir teirra fingu skaða av storminum.
Vindferðin var so mikið ógvuslig, at grót snøgt sagt feyk á tveir av bilunum, soleiðis at rútarnir brotnaðu.
Politistøðin í Havn fekk fráboðanina um henda skaðan stutt fyri klokkan eitt í gjár.
(savnsmynd)
