Bern­harður heiðrast

Mánadadagin klokkan 17 verður almenn hugn­a­løta í Múllers Pakk­húsi í Havn fyri Bern­harði Wilkinson, sum fyllir 60 hendan dagin.
Og fyrireikararnir siga, at har eru øll væl­kom­in at heiðra føð­ing­ar­dags­barn­ið,
Hesi seinastu árini hev­ur Bernharður sum fáur sett sín dám á før­oyskt tónleikalív og bæði sum dir­i­gent­ur, tónleikari og fyr­i­skip­ari hevur hann lyft før­­oysk­an tónleik upp á eitt heilt nýtt støðið.
Hann er føddur og upp­vaks­in í Man­chest­er, har hann fekk sær tón­leik­a­út­búgv­ing, men flutti ungur til Ís­lands, har hann livdi og virk­aði sum tónleikari í mong ár.
Men sum hálvur før­oy­ingur hevur hann alla tíðina havt sam­band við føroyskt tón­leikalív og varð her javnan. Men ser­liga síðani hann hann flutti higar fyri nøkr­um árum síðani at bú­seta seg, hevur hann havt ómetaliga stóran týdn­ing í royndunum at menna føroyskan tón­leik.
Á hugnaløtuni í Müll­ers Pakkhúsi verð­ur eyðsæð tónleikur at hoyra og tað verða bæði tón­leik­ar­ar, sum hann plagdi at stjórna og spæla sam­an við, ið fara at spæla og somuleiðis fara næmingar í musikkskúlanum at spæla fyri honum.
Høvið verður eisini at bera eina heilsu fram og afturvið øllum verður okkurt lætt og leskiligt at fáa.