Fyrrverandi Blackburn venjarin, norski Henning Berg, fær nú 2,25 milliónir pund í endurgjaldi frá Blackburn Rovers, sum koyrdi Berg eftir bert 57 døgum í heita venjarastólinum.
Tað varð avgjørt í High Court í Manchester í dag.
43 ár gamli Hennig Berg var loystur úr starvi 27. desember, eftir at hava staðið á odda fyri Blackburn Rovers í 10 dystum.
Rovers helt upp á at stjóri i felagnum, Derek Ashaw, hevði tikið á seg sjálvan at avgreiða endurgjaldskrøvini við Berg, tá hesin fór av Ewood Park.
Blackburn skal eisini gjalda 20.000 pund til ymiskar útreiðslur.
