Barna­hús­ í Før­­oyum fær pening úr Danmark

Tað er Sjúrður Skaale, fólkatingsmaður, sum hevur reist spurn­i­n­g­in við danska fíggj­ar­mál­a­ráð­harr­an, Bjarne Corydon.
Sjúrður Skaale sigur í morg­un, at tí sambandi er av­gjørt, at stjórnin fer at seta pening av til tekniska útgerð í sambandi við, at børn verða avhoyrd.
Í samband við mál um ágang móti børnum verða av­hoyr­ingar í Føroyum í dag gjørdar í vanligu av­hoyr­ing­ar­hølunum hjá løg­regl­uni, har ákærdi er til stað­ar í sama høli, tá barn­ið skal vitna.
Men nú er ætlanin at broyta lógina í Føroyum at forða fyri, at ákærdi kann vera til staðar tá ið børn vitna.
Samstundis er ætlanin at stovna eitt Barnahús, har børn, ið hava verðið fyri kynsligum ella øðrum á­gangi, kunnu fáa væl skikk­aða og samskipaða hjálp.
Sostatt verður øll máls­við­gerðin, líka frá av­hoyring hjá løgregluni til sálarliga hjálp, savn­að á einum og sama barn­a­vina­rl­iga stað.
- Hetta krevur, at barn­a­húsið fær serlig av­hoyr­ing­ar­tól, ið tryggja, at børn á­kærdi ella skuldsetti, ikki skulu vera til staðar, tá ið børn verða avhoyrd.
- Slík útgerð er kostn­að­ar­mikil, men ein neyðug í­løga í rættartrygdina hjá børn­um, sigur Sjúrður Skaale.
Løgreglan er danskt máls­øki, og í samráð við Anniku Olsen, lands­stýr­is­kvinnu í almannamálum, hev­ur Sjúrður Skaale tí­skil reist málið í donsku stjórn­ini, sigur hann
Í hesum sambandi hev­ur hann víst á, at danir eiga at seta pening av til út­gerð­ina, tá barnahúsið verð­ur klárt at taka í nýtslu í 2014 og tað hevur danska stjórnin játtað.