Barcelona, sum var uttan Xavi og høvdu Zlatan á bonkinum, vunnu í kvøld 4-0 á Stuttgart. Fyrri dysturin endaði 1-1, so Stuttgart skuldi skora, um teir skuldu hava nakran møguleika fyri at koma víðari, men Barcelona lat ongatíð nakran iva verða um, hvør skuldi viðari.
Lionel Messi, ið skoraði hattrick í vikuskiftinum, skoraði longu eftir 13 minuttir. Hann dribblaði framvið verjuni og stutt uttanfyri brotssteigin smekkaði hann bóltin í mál. Tíggju minuttir seinni átti Messi avleveringinað, ið sendi Yaya Toure leysan í brotssteiginum. Hann spældi bóltin uppá tvørs til Pedro, sum lætt kundi skora til 2-0.
Í seinna hálvleiki helt Messi fram at hugna sær. Eftir uppspæl í høgru síðu, smekkaði Messi enn eina ferð til uttanfyri brotssteigin. Og enn eina ferð hevði Jens Lehman í Stuttgart málinum ongan møguleika. Beint fyri tíð, skoraði innskifti Bojan við síni fyrstu bóltrøring til endaliga úrslitið 4-0.
Seinasta liðið í fjórðingsfinaluni eru fronsku Bordeaux. Teir vunnu á heimavølli 2-1 á Olympiakos. Yoann Gourcuff og Marouane Chamakh skoraðu fyri vertirnar, meðan Konstantinos Mitroglou skoraði málið fyri Olympiakos.
Lutakastið til fjórðingsfinalurnar verður fríggjadagin.
Champions League dystirnir í kvøld:
Barcelona ? Stuttgart 4-0
1-0 Messi (13)
2-0 Pedro (22)
3-0 Messi (60)
4-0 Bojan (89)
Barcelona víðari samanlagt 5-1
Bordeaux ? Olympiakos 2-1
1-0 Yoann Gourcuff (65)
1-1 Konstantinos Mitroglou
2-1 Marouane Chamakh
Bordeaux víðari samanlagt 3-1
