Nú FM kappingin í talvi fyri einstaklingar er tvey umfør gomul, er tað bara FM favoritturin Olaf Berg, sum hevur fulla úrtøku. Í gjár vann hann í fyrsta umfari og við svørtum á Ólavi Simonsen, og í dag vann Olaf Berg á Finnbjørn Vang. Aftur hesa ferð var tað við svarta fólkinum.
Í gjár vann Finnbjørn Vang á Herlufi Hansen. Í dag vann Herluf Hansen á Carl Eli Nolsøe Samuelsen. Mett út frá styrkistølunum hjá teimum báðum var talan um óvæntað úrslit, tí styrkistalið hjá Carl Eli er væl hægri enn talið hjá Herlufi.
Næstur á listanum er Eyðun Nolsøe. Í fyrsta umfari endaði tað remis millum hann og Martin Poulsen. Í kvøld hevur Eyðun vunnið ímóti Høgna Egilstoft Nielsen. Teir báðir fóru ikki undir teirra talv, fyrrenn hini talvini vóru um at vera liðug í kvøld.
Tvey talv endaðu remis í dag. Tað vóru talvini millum Martin Poulsen og Ólav Simonsen og millum Hanus Brekká og Hans Kristian Simonsen. Talvið millum Høgna Egilstoft Nielsen og Eyðun Nolsøe er ikki liðugt.
Úrslitini bera við sær, at tað Olaf Berg hevur tvey stig ella fulla úrtøku. Hann er eitt hálvt stig frammanfyri Eyðun Nolsøe.
Olaf Berg hevur 2,0 stig.
Eyðun Nolsøe hevur 1,5 stig.
Høgni Egilstoft Nielsen, Finnbjørn Vang, Herluf Hansen, Carl Eli Nolsøe Samuelsen og Martin Poulsen hava 1,0 stig.
Hanus Brekká, Hans Kristian Simonsen og Ólavur Simonsen hava 0,5 stig.
Úrslit í 2. umfari
Finnbjørn Vang-Olaf Berg 0-1
Martin Poulsen-Ólavur Simonsen1/2-1/2
Høgni Egilstoft Nielsen-Eyðun Nolsøe 0-1
Hanus Brekká-Hans Kristian Simonsen 1/2-1/2
Herluf Hansen-Carl Elin Nolsøe Samuelsen 1-0
3. umfar mánadagin klokkan 17.00
Carl Eli Nolsøe Samuelsen-Finnbjørn Vang
Hans Kristian Simonsen-Herluf Hansen
Eyðun Nolsøe-Hanus Brekká
Ólavur Simonsen-Høgni Egilstoft Nielsen
Olaf Berg-Martin Poulsen
Styrkistølini undan kappingini
Olaf Berg 2272
Ólavur Simonsen 2201
Martin Poulsen 2194
Carl Eli Nolsøe Samuelsen 2162
Eyðun Nolsøe 2152
Hans Kristian Simonsen 2104
Høgni Egilstoft Nielsen 2072
Herluf Hannsen 2032
Hanus Brekká 2026
Finnbjørn Vang 2022
