– Hetta er heilt óalmindiliga neyðarsligt.
Tað staðfestir Magnus Arge, formaður í Norðoya Sambandsfelag, tá hann váttar fyri in.fo, at tað bara eydnaðist at fáa eitt valevni á listan hjá Sambandsflokkinum í Klaksvík. Tað er 37 ára gamli Jógvan Sofus Vilhelmsen, sum erútróðrarmaður og býr í Ánunum.
Í Klaksvíkar kommunu sita 11 býráðslimir. Sambært kommunulógini kunnu stillast fýra valevni fleiri upp, at tað kunnu veljast. Tað merkir, at 15 valevni kunnu stillast upp til býráðsvalið í Klaksvík – og at 14 pláss á sambandslistanum standa skríggjandi tóm.
– Eg dugi ikki at siga, hvussu tað ber til. Kanska duga vit ov illa. Men vit høvdu nøkur nøvn á listanum, sum høvdu lovað at stilla upp. Men sum síðani bóru seg undan, sigur Magnus Arge.
Tað var ananrs upp á tal at fáa Bjørn Kalsø, løgtingsmann, at stilla upp. Men hann hevur borið seg undan.
– Bjørn Kalsø er ímóti dupultmandatum, og tí vildi hann ikki stilla upp. Vit kunnu so halda tað, sum vit vilja, men vit mugu virða tað, sigur Magnus Arge.
Á seinasta býráðsvali í Klaksvík fekk Sambandsflokkurin 215 atkvøður, sum svarar til 7,21 prosent. Tá hevði flokkurin 8 valevni, og atkvøðurnar vórðu býttar soleiðis:
| Sambandsflokkurin |
|
| LISTIN | 6 |
1 | MARIA OLSEN | 60 |
2 | KATRINA GULLAKSEN | 53 |
3 | SÍMUN MICHAEL SØRENSEN | 32 |
4 | JÁKUP SKORADAL | 24 |
5 | KRISTIAN JOENSEN | 14 |
6 | ANSKAR HANSEN | 14 |
7 | KARL OLGAR JOENSEN | 9 |
8 | ALEKSANDAR DJORDJEVIC | 3 |
|
| 215 |
