Simone Romme úr HBF og Lena Maria Joensen úr KBF gjørdust fyri løtu síðani føroyameistarar í tvímansleiki í badminton.
Hetta hendi eftir at tær vunnu 2-0 í settum á Adhyu Nandi og Miriam í Grótinum - báðar úr HBF
Fyrsta settið var sera tætt, men Simone og Lena megnaðu at enda at vinna tað 21-19.
Hetta vaks helst um sjálvsálitið hjá teimum, tí í øðrum setti vóru tær greitt omaná og vunnu tað 21-13, og gjørdust sostatt føroyameistarar.
