Men meðan tey í Aqua minnast 80'ini við sorgblídni, so roynir Føroya løgmaður at mála eina døkka politiska mynd av 80'unum. Eina mynd av ábyrgdarleysum politikarum, sum lótu alt um seg ganga, og sum veittu veðhald til eina ørgrynnu av ørvitisprojektum.
Tað ætlar løgmaður sær í hvussu so er ikki at gera.
Á Facebook sigur løgmaður soleiðis nú um dagarnar:
»Tað er mín vón, at vit ikki opna slúsurnar inn í veðhaldspolitikkin frá 80'unun við almennari tunnilsverkætlan á farleið, sum er har í dag.«
Sjálvandi hevur løgmaður rætt í tí, at vit ikki skulu opna slúsur inn í veðhaldspolitikk.
Men hetta fær okkum at hugsa um tað, sum Edmund Joensen segði um løgmann, at »tað er á markinum til tað barnsliga« av einum løgmann at argumentera soleiðis.
At løgmaður og Kári Post og Gerhard og Páll á Reynatúgvu vilja offra allar inntøkur av Eysturoyartunlinum í danskar lummar. Tað er so tað. Men tað merkir ikki, at tey – eisini partamaðurin hjá løgmanni, formaðurin í løgtings fíggjarnevnd – ynskja at opna nakrar veðhaldsslúsur.
