– Um tit halda, at tit sleppa so lætt av við B71, so mugu tit halda umaftur, sigur B71-formaðurin, Hanus Johannessen, við einum brosi, hóast veruleikin hjá sandoyarliðnum er, at liðið eftir níggju dystum hevur eina málúrtøku upp á -31 mál, umframt at fimm stig eru upp til niðurflytingarstrikuna.
– Vit ætla at styrkja okkum hópin í eini roynd at varðveita sæti í bestu deildini. Talan verður um tríggjar ella fýra spælarar. Onkur er fyrrverandi spælari hjá okkum og onkrir eru útlendingar. Talan er um ein danskara og ein polending. So mikið kann eg siga, sigur Hans Johannessen.
Keldur vilja vera við, at Gudmund Nielsen verður aftur at síggja í B71-troyggjuni. Harumframt skulu bæði Rasmus Nielsen og Símun Hansen vera upp á tal, men hetta eru óváttað tíðindi.
