B71 boðar í dag frá, at felagið hevur fingið tilgongd av Jónasi Warner. Hann er uppvaksin í B71, men skifti í vetur til B68, sum spælir í bestu deildini.
Nú ger umstøðurnar, at tað passar honum best at spæla við barndómsfelagnum komandi tíðina. Tí hevur B71 leigað miðvallaran restina av kappingarárinum.
- Jónas Warner er B71ari aftur í seinnu hálvu av 2023! Ungi heimasandsmaðurin hevur higartil leikt við B68, men tað sum eftir er av kappingarárinum er hann leigaður aftur til okkum og leikar tí í gulum og bláum næstu tíðina, skrivar B71 á Facebook.
Jónas Warner hevur fyrr spælt við B36 eisini. Hann var í U21-landsliðshópinum, sum spældi javnleik 1-1 móti Andorra í farna mánaði. B71 liggur í løtuni á sjeynda plássi í næstbestu deildini.
| # | Lið | D | V | J | T | MF | MÍ | MM | Stig | |
|---|---|---|---|---|---|---|---|---|---|---|
| 1 | SKÁLA | 15 | 12 | 1 | 2 | 38 | 9 | 29 | 37 | |
| 2 | NSÍ | 15 | 11 | 2 | 2 | 35 | 14 | 21 | 35 | |
| 3 | Víkingur | 15 | 9 | 1 | 5 | 34 | 22 | 12 | 28 | |
| 4 | KÍ | 15 | 8 | 0 | 7 | 26 | 26 | 0 | 24 | |
| 5 | B36 | 15 | 6 | 2 | 7 | 34 | 24 | 10 | 20 | |
| 6 | HB | 15 | 5 | 3 | 7 | 30 | 26 | 4 | 18 | |
| 7 | B71 | 15 | 5 | 3 | 7 | 26 | 29 | -3 | 18 | |
| 8 | FC Hoyvík | 15 | 5 | 3 | 7 | 23 | 33 | -10 | 18 | |
| 9 | B68 | 15 | 3 | 2 | 10 | 11 | 40 | -29 | 11 | |
| 10 | EB/S | 15 | 1 | 3 | 11 | 14 | 48 | -34 | 6 |
