15. umfar í landskappingini í 1. deild var á skránni sunnudagin. Oddaliðini bæði, B36 og GÍ, vunnu hvør í sínum lagi, men sigurin hjá havnarmonnunum kom í evstu løtu móti B68 í einum annars sera jøvnum dysti.
GÍ vann sín útidyst á FS Vágum, og umframt at GÍ við hesum helt fast um B36, merkti hetta eisini, at vágamenn nú eru á aftasta sessinum í deildini.
B71 vann nevnliga heimadystin á HB við trimum málum móti tveimum.
Annars fekk EB/Streymur rættiliga luft, tá teir á heimavølli vunnu 4-2 á KÍ, meðan NSÍ og VB býttu stigini eftir ein 1-1 javnleik
