ES kunngjørdi í dag, at tær níggju milliónir krónurnar, sum fylgdu við Nobel-friðarheiðurslønini, sum samveldið fekk í ár, verða brúktar til at hjálpa børnum, sum búgva í økjum, har tað er kríggj.
Tað var formaðurin í ES-nevndini, José Manuel Barroso, sum boðaði frá avgerðini á einum tíðindafundi í Bruxelles.
-Vit vóru á einum máli um, at pengarnir skulu latast teimum, sum líða undir stríði og kríggi. Vit vilja gera krígsbørn til friðarbørn, segði Barroso.
Hann segði, at pengarnir fara til fýra verkætlanir, sum leggja dent á at geva børnum í krígs- og stríðsøkjum skúlagongd.
