Tað er heilt stutt millum avbjóðingarnar hjá bestu fótbóltsspælarunum. Seinnapartin og í kvøld skulu teir í eldin fyri fjórðu ferð síðani næstsíðsta sunnudag.
Tað verður roknað við, at væl trimmað ítróttarfólk fjórða dagin eftir dystarlok eru komin seg fult og heilt.
Øll liðini í bestu deildini uttan Víkingur og B36 spældu sunnudagin. Nú eru teir komnir seg og tí verður sagt, at likamliga eru teir, sum spældu sunnudagin, eins væl fyri at spæla í dag sum teir í Víkingi og B36, sum sunnudagin noyddust til hús, tí tað orssaka av vindi ikki gjørdist nakað í Sarpugerði.
Tað verður sagt frá fínum fótbóltslíkindum seinnapartin og í kvøld. Sólin fer at kaga undan, og tað verður turt. Hitin verður níggju stig, og vindurin ver sjey metrar um sekundið av suðri og útsynningi.
Í trimum støðum verður fyrsta bríksl klokkan 15. Seinni dysturin í Gundadali verður klokkan 18.15, og í Runavík verður fyrsta bríksl klokkan 19.00.
NSÍ – ÍF: Rúni Gaardbo kl. 19.00
Skála – EB/Streymur: Dagfinn Forná kl. 15.00
HB – AB: Bjarki Danielsen kl. 18.15
B36 – KÍ: Kári J. á Høvdanum kl. 15.00
TB – Víkingur: Lars Müller kl. 15.00
| Skála | 5 | 4 | 0 | 1 | 8 | 1 | 12 |
| B36 | 4 | 4 | 0 | 0 | 7 | 3 | 12 |
| KÍ | 5 | 3 | 2 | 0 | 9 | 5 | 11 |
| TB | 5 | 2 | 2 | 1 | 6 | 6 | 8 |
| NSÍ | 5 | 2 | 1 | 2 | 6 | 7 | 7 |
| HB | 5 | 1 | 3 | 1 | 6 | 5 | 6 |
| Víkingur | 4 | 1 | 1 | 2 | 8 | 9 | 4 |
| EB/S | 5 | 1 | 0 | 4 | 7 | 7 | 3 |
| AB | 5 | 1 | 0 | 4 | 5 | 11 | 3 |
| ÍF | 5 | 0 | 1 | 4 | 5 | 13 | 1 |
