Ein teirra er Hans Jákup Vitalis, sum eigur línubátin Fiskivarða, og sum eisini hevur stóran áhuga í tí sum hendir innan fiskivinnu okkara.
- Jú, henda broytingin kemur sera væl við hjá línuskipunum. Eingin ivi um tað. Men nú bíða vit aðrir bert eftir, at sama skipan og sama regla koma í gildi fyri okkara bátar, sigur hann álvarsamur.
Línuskipini í bólki 3 - t.v.s. tey sum eru størri enn 110 tons - fáa nú betri møguleikar at virka fiskin umborð. Og hetta fer eisini at vera til fyrimun fyri manningina, sum nú fær tað liviligari umborð.
Ein annar bati er, at dekksplássið á línuskipunum kann gerast størri, soleiðis at tey nú kunnu frysta veiðuna umborð, og virka fiskin heilt ella lutvíst umborð.
- Henda reglan burdi verið komin fyri nógvum árum síðani, slær ídni útróðrarmaðurin fast.
- Eg vóni tí, at hetta bara er fyrsta stig á leiðini, - altso, at teir fara at gera somu skipan fyri útróðrarflotan. Okkara bátar treingja so sanniliga eisini til at fornýggjast.
