Eftir eitt langt kappingarár í sjáldsama góðum líkindum er endaspurturin í fótbóltinum í rættum heystarveðri. Mikukvøldið var tað ónossligt, og sambært veðurforsøgnini verður veðrið seinnapartin soleiðis, at tað verður regn, og lágættarvindurin fer at órógva.
Í botninum er alt avgjørt, meðan tað í toppinum framvegis er spenningur, um tað verður annað ella hitt liðið í Gundadali, sum fer at vinna gull.
Triði síðsta umfar verður klokkan 15. Tað er møguleiki fyri, at FM spurningurin verður svaraður tveir tímar seinni. Tveir avgerandi dystir eru í høvuðsstaðnum. Um B36 megnar fulla úrtøku á heimavølli ímóti EB/Streymi, og um HB tapir á Argjum, so verður B36 meistari í dag.
Um mett verður út frá gongdini síðani summarsteðgin er tað tó lítið, sum talar fyri, at alt verður avgjørt í dag. Síðani á ólavsøku hava níggju umfør verið. Grannafeløgini í Gundadali hava staðið seg best – HB hevur vunnið 21 stig, B36 18 stig, Víkingur 16 stig, KÍ og NSÍ 13 stig, EB/Streymur og AB 12 stig, ÍF 11 stig, B68 7 stig og Skála 3 stig.
25. umfar
Víkingur-ÍF: Lars Müller kl. 15.00
NSÍ-KÍ: Ransin N. Djurhuus kl. 15.00
Skála-B68: Dagfinn Forná kl. 15.00
B36-EB/Streymur: Eiler Rasmussen kl. 15.00
AB-HB: Alex Troleis kl. 15.00
Støðan undan 25. umfari
B36 55
HB 51
Víkingur 42
NSÍ 34
EB/Streymur 34
KÍ 33
ÍF 28
AB 25
B68 16
Skála 12
