Allir partar, sum luttóku í bjargingini av manningini á polska seglbátinum, lata sera væl at samstarvinum. Har var einki at seta fingurin á, varð sagt á tíðindafundinum fyrrapartin.
Luttakararnir vóru Hvidbjørnen við síni tyrlu, Brimil, føroyska bjargingartyrlan, Sjóbjargingarstøðin og ikki minst trolararnir Rókur og Lerkur. Tað var ein stórur uggi hjá pollendingunum at hava trolararnar liggjandi har, meðan bíðað varð.
Ætlanin er at hava eina eftirmeting heilt skjótt.
