##med2##
Aftaná EM-undankappingardystin millum Svøríki og Føroyar á Friends Arena leikvøllinum í Stokkhólmi gjørdi Tróndur Arge tað seinastu samrøðuna við Atla Gregersen í leiklutinum sum liðskipari hjá føroyska landsliðnum.
Atli Gregersen viðgongur, at tað var rørandi at hoyra tjóðsangin á seinasta sinni sum landsliðsleikari.
Um dystin sigur Atli, at dysturin í kvøld uppsummerar undankappingina hjá føroyska fótbóltslandsliðnum á mangan hátt. Talan var um eitt gott leikligt avrik og ein góðan hugburð, men talan er um eitt súrt 0-3 tap. Atli heldur avgjørt, at føroyska liðið hevði uppiborið betur.
Á ljóðfíluni omanfyri ber til at hoyra seinastu samrøðuna Tróndur Arge gjørdi við Atla Gregersen í leiklutinum sum liðskipari hjá føroyska fótbóltslandsliðnum.
In.fo, Sosialurin og FM1 takka Atla Gregersen fyri tíðina á landsliðnum, og vit ynska honum bestu eydnu framyvir.
