Atgongumerki fáast til Stig Rossen

Atgongumerkjasølan til konsertirnar við Stig Rossen og Tamru Rosanes byrjaði í dag kl. 10.00. Konsertirnar báðar verða Leygardagin 20. oktober í Norðurlandahúsinum, onnur við Stig Rossen og onnur við Tamra Rosanes.

 Atgongumerki kunnu keypast á heimasíðuni hjá Norðurlandahúsinum www.nlh.fo, í Kunningarstovunum í Havn, í Runavík og í Fuglafirði.

Tey, sum ynskja at keypa atgongumerki til báðar konsertirnar, men sum ikki hava møguleika at møta upp á sølustøðunum, kunnu ringja til Norðurlandahúsið ella kunningarstovurnar í Havn, Runavík ella Fuglafirði.