Tað var Ingilín Strøm, landsstýriskvinna, sum avdúkaði Ársins Britu á tiltakinum í Fuglafirði. Ársins Brita var Rannvá Magnadóttir.
Í grundgevingini segði landsstýriskvinnan soleiðis:
»Treystið og dirvið hjá Ársins Britu hevur verið við til at flutt mørk okkara og gjørt okkum meira búgvin sum samfelag.
Ársins Brita gjørdi nakað heilt serligt, sum eisini kom øðrum til góðar. Tá samfelagið av órøttum álegði henni ábyrgdina av ágangi, nýtti Ársins Brita sín egna pall at tala at og rópa varskó uttan at hava onnur at hella seg til.
Treystið og dirvið hjá Ársins Britu setti gongd á eina rørslu, sum síðani breiddi seg til eina rørslu út í samfelagið.
Opinleiki hennara og dirvi hennara fekk øll at tosa um álvarsligu avleiðingarnar av talgildum harðskapi.
Hon var fyrimyndarlig, hon var sterk, og hon var ein uggi hjá nógvum, sum eisini vóru fyri talgildum harðskapi.
Ársins Brita var tann fyrsta í eini røð av kvinnum í Føroyum, ið sýttu fyri gerast offur fyri talgildum harðskapi, tá ein listi við nøvnum á kvinnum í sonevndu »Golden Maps« var í umferð.
Ársins Brita stóð fram.
Ársins Brita breyt tøgnina.
Ársins Brita tók eina framsókna avgerð, hóast hon visti, at hetta kundi kosta henni.
Ársins Brita er Rannvá Magnadóttir.«
##med2##
##med3##
