Eitt Arsenal-lið undir stórum trýsti fekk í kvøld ein kærkomnan sigur, tá ið tað í fyrru 1/8-finaluni í Europa League bleiv til ein 2-0-sigur á útivølli ímóti AC Milan. Bæði málini komu í fyrra hálvleiki, og ein væl upplagdur Mesut Özil legði upp til bæði málini - fyrst til Henrikh Mkhitaryan og síðan til Aaron Ramsey.
Eisini eysturríkska RB Salzburg hevur vunnið sær gott útgangsstøði til heimadystin við heldur óvæntaðum 2-1-sigri á útivølli ímóti Dortmund. RB Salzburg kann gerast fyrsta eysturríkska liðið, sum spælir seg í fjórðingsfinaluna í Europa League.
Seinnu 1/8-finalurnar verða spældar hósdagin um eina viku.
1/8-finalur, fyrru dystir:
AC Milan – Arsenal 0-2
Atlético Madrid – Lokomotiv Moskva 3-0
Borussia Dortmund – Salzburg 1-2
CSKA Moskva – Lyon 0-1
Lazio – Dynamo Kiev 2-2
Marseille – Athletic Bilbao 3-1
RB Leipzig – Zenit Skt. Pætursborg 2-1
Sporting Lissabon – Viktoria Plzen 2-0
