Arsenal hevur keypt Nicolas Pepe frá Lille fyri áleið 700 milliónir krónur. Franski vongurin hevur havt eitt framúr gott kappingarár, har hann skoraði 22 mál í 38 dystum. Hartil legði hann eisini upp til 11 mál.
##med2##
Franskir miðlar skriva, at 25 ára gamli vongurin valdi Arsenal framum Liverpool. Høvðusorsøkin er, at Liverpool hevur Mohamed Salah, ið spælir á sama plássi. Eisini verður sagt, at eitt skiftið til Liverpool hevði verið ein drúgv tilgongd, meðan Arsenal var tilreiðar at keypa nú.
Niclas Pepe er fjórða tilgongdin hjá Arsenal í summar. Fyrst kom 18 ára gamli Gabriel Martinelli úr Ituano í Brasil. Síðani leigaði Arsenal Dani Ceballos frá Real Madrid, meðan 18 ára gamli verjuspælarin, William Saliba, er keyptur frá, og útleigaður aftur, til franska Saint-Étienne.
