Tað skrivar Havnar Fimleikafelag.
Í gjár vann hann innleiðandi kappingina og streyk beint í finaluna, sum tað eydnaðist honum at vinna í dag.
Aron fekk 13.600 stig og næstur honum var finskur íðkari sum fekk 13.533 stig.
– Vit eru sjálvandi sera errin av okkara Aron, sum er búsitandi í Danmark, har hann er í lestrarørindum og venur við Gefion. Um vikuskiftið hevur hann luttikið í NM fyri føroyska landsliðið, skrivar Havnar Fimleikafelag.
Venjari hjá monnunum á føroyska landsliðnum er Andreas Peter Bøgebo.
