Tað skrivar almenna heimasíðan hjá leirvíksliðnum. Arnold Joensen er 32 ára gamal. Hann er uppvaksin í Klaksvík og hevur spælt nógv av sínum vaksna fótbóltslívið í KÍ. Seinastu árini hevur hann tó eisini roynt seg í bæði B68 og ÍF, og nú skal hann so royna seg í LÍF. Hetta er fyrsti leikarin, LÍF hevur gjørt sáttmála við síðani kappingarárið í fjør endaði. Heimasíðan hjá LÍF skrivar, at felagið fegnast um sáttmálan og roknar við, at Arnold verður ein styrkur fyri liðið.
