Á fundi í Ilulissat í morgun gav Aqqaluk Lynge ES-politikarum av grovfíluni - ES má beinanvegin gevast við sínum ágangi móti teimum arktisku londunum, segði Aqqaluk Lynge, við ES-politikarar á fundi í Ilulissat í morgun - men um tað gevur nakað úrslit, ivast hann í.
Hann nevndi sum dømi, forboðið móti innflutningi av kópaskinnum.
Tá KNR spurdi Lynge, um hann helt, at forboðið kanska fór at verða tikið burtur, svaraði hann: ?Nei tað rokni eg ikki við, vit standa upp móti ríkum djórafelagsskapum, sum hava gott samband við ES-umsitingina og politikarar. Men okkara vón er, at handilskríggið, sum ES-førir móti teimum smáu tjóðunum, nú fer at enda.?
