Annika Olsen, sum er eisini er landsstýriskvinna í norðurlandamálum, var í gjárkvøldið á kjakfundi í Oslo. Talan er um ein fund saman við hinum norðurlendsku samstarvsráðharrunum í Oslo.
Í hesum sambandi hevði norska norrøna felagið bjóðað øllum norðurlendsku samstarvsráðharrunum til fundar í Litteraturhuset í Oslo. Á skránni var evnið Tann norðurlendski dreymurin Norðurlendskar loysnir til avbjóðingarnar hjá vælferðarsamfelagnum.
Eisini vóru norska LO og norska arbeiðsgevarafelagnum við á fundinum.
Nøkur av teimum evnunum, sum kjakast varð um, vóru forðingar millum londini, arbeiðsloyvi serliga ungdómsarbeiðsloysi, hvussu tryggja vit framtíðar arbeiðsmegina og harvið eisini tað norðurlendska vælferðarsamfelagið.
Øll vóru samd um, at tað hevur sera stóran týdning at menna tað norðurlendska samstarvið enn meira.
Á myndini eru tey frá vinstru, Katrín Jakobsdóttir úr Íslandi, Annika Olsen og Rigmor Aasrud úr Noregi.
