Føroyski landsliðsmálverjin, Annika Fríðheim Petersen fekk sínar fyrstu minuttir í bestu donsku hondbóltsdeildini aftaná skiftið frá íslendska felagnum, Haukar.
Nykøbing Falster tók ígjár móti Århus á heimavølli. Tað gekk heldur trekt í fyrra hálvleiki. Í steðginum var Århus á odda 14-13.
Í seinna hálvleiki lá væl fyri hjá heimaliðnum, ið vann dystin 27-22.
Annika slap at verja málið seinastu minuttirnar, og til stóran fagnað fyri heimafjøldina hevði hon eina góða bjarging.
Mikukvøldið spælir Nykøbing móti Odense á útivølli.
Nykøbing er nummar fimm í deildini við 23 stigum. Átta tey fremstu liðini vinna seg í endaspælið.
