Andrias Magnussen verður nú partur av leiðsluni fyri TeenStreet Føroyar. Tað boðar OM Føroyar, ið varðar av TeenStreet Føroyar, frá í dag.
35 ára gamli Andrias Magnussen, ið eisini er aðalskrivari í Kirkjuligu Heimamissiónini, verður partur av leiðslutoyminum saman við Símun J. Hansen, Randi Hansen og Margareth Djurhuus, ið hava myndað leiðsluna í TeenStreet seinastu árini.
- Vit ynskja Andriasi vælkomnum í OM-familjuna og ynskja teimum fýra góða eydnu í arbeiðinum við at skipa fyri mini-TeenStreet í vár og at fyrireika TeenStreet 2020, sum verður í Oldenburg frá 1. til 8. august næsta ár, skrivar OM Føroyar.
Áðrenn tað verður tó Mini TeenStreet 2020 í Bylgjuni í Runavík fríggjadagin 21. februar til sunnudagin 23. februar.
