Venjaraparið hjá kyndilskvinnum, ið vunnu greipuna í ár, heldur fram næsta kappingarár.
Andreas F. Hansen og Sophus Dal-Christiansen eru longu farnir undir at fyrireika næsta kappingarár, og umhugsað verður, um Kyndil skal tekna kvinnuliðið til Evropa Cup-hondbólt
Tað skrivar Kyndil á heimasíðu sínari.
Kyndilskvinnur høvdu eitt framúr gott kappingarár í ár og vunnu bæði landskappingina og steypakappingina. Ikki minst er hetta úrslit av miðvísari menning, har felagið hevur sett nógvar ungar spælarar við seinnu árini, og sum skilst verða flestu av spælaranum eisini á liðnum komandi kappingarár.
Sum greipuvinnarar hava kyndilskvinnur møguleikan at tekna til annaðhvørt Cup Winners Cup ella EHF Cup. Nevndin í felagnum og venjararnir umhugsa at taka av øðrum møguleikanum í ár, og arbeitt verður nú við málinum, skrivar felagið á heimasíðuni.
