Íslendski landsliðsleikarin, Andrea Jacobsen er av føroyskari ætt.
Hon spælir við Blomberg-Lippe í bestu týsku hondbóltsdeildini.
Blomberg-Lippe vann seg í týsku steypafinaluna, ið var spæld í Porsche-Arena í Stuttgart.
Mótstøðuliðið í steypafinaluni, ið var leikt ígjár var HB Ludwigsburg.
HB Ludwigsburg smurdi Blomberg-Lippe av í steypafinaluni. Talan gjørdist um stórsigur 31-21 til HB Ludwigsburg. Í steðginum var HB Ludwigsburg á odda 16-10.
Andrea og liðfelagarnir í Blomberg-Lippe kunnu tó fegnast um, at talan var um fyrstu steypafinaluna hjá liðnum í 11 ár.
Andrea Jacobsen eitur eftir langabba sínum, tí kenda bakaranum, Andreas í Køkubúðini.
