Eg skilji ikki hvat gekk galið, sigur hann við norskar fjølmiðlar.
Sven Erik Strandberg sigur, at alt gekk sum vanligt tá hann lendi við sínum flogfari um átta-tíðina í morgun.
- Alt sá vanligt út og líkindini vóru góð. Har var eingin vindur og flogfarið var ikki serliga tungt.
- Vit hava jú flogið her mangar ferðir áður, men breytin sjálv er heldur stutt, sigur hann.
Hann tosaði við flogskiparin á vanlukku-flogfarinum eftir tilburðin:
- Hann og 2. stýrimaðurin komu sær út gjøgnum neyðútgongdina. Hetta er ikki serliga hugaligt hjá okkum, sigur Strandberg.
Hann vil kortini ikki upplýsa, hvat flogskiparin segði:
- Hann var ov skelkaður til at siga nakað!
