Í samband við kunnandi átøk um sálarsjúku, skipar Psykiatriski Depilin aftur fyri fyrilestri í Runavík. Fyrilesturin er eisini partur av skránni fyri mentanarvikuna.
Á fyrilestrinum, sum verður í kantinuni í Skúlanum við Løkin týskvøldið 22. oktober klokkan 19, fer Tormóður Stórá, leiðandi yvirlækni á Psykiatriska Deplinum, at greiða frá um tunglyndi.
Umframt yvirlæknan, fer Anna á Reynatrøð eisini at greiða frá egnum upplivingum av sjúkuni.
- Tiltakið er alment og ókeypis, og øll eru hjartaliga vælkomin, siga Psykiatriski Depilin og tey, sum standa aftan fyri mentanarvikuna í Runavík.
