Fert tú á ólavsøku í ár?
- Ja, eg fari, sigur Annfinn Brekkstein.
Hvussu heldur tú ólavsøku?
- Tað verður á sama hátt, sum tey seinastu 16 árini. Ólavsøkan verður hildin við skrúðgongu, setan á Tinghúsvøllinum, kappróðri, síðan til nátturða saman við familjuni í Havn og ymiskt annað.
Hvat er tað besta við ólavsøkuni?
- Hugnin við at møta nógvum kenningum og fara til ymiskar aktivitetir.
Er onkur serlig ólavsøka, tú minnist?
- Nei, allar hava verið góðar og hugnaligar.
##med2##
Kundi okkurt verið øðrvísi við ólavsøkuni?
- Eg haldi, at vit í mest møguligan mun eiga at halda við tær gomlu traditiónirnar, sigur Annfinn Brekkstein.
