Aldubáran tvær konsertir

Hóskvøldið verður ein sera spennandi konsert í Norðurlandahúsinum og fríggjakvøldið í Gøtu Kirkju.

Tað er Aldubáran, sum framførir tónleik av amerikanska tónaskaldinum Hseuh-Yung Shen, eitt tónaskald í sonnum serklassa. Aldubáran hevur áður heitt á hann um at skriva verk fyri bólkin og hvørjuferð hevur úrslitið verið einastandandi. Til konsertina verða ikki minni enn tvær frumframførslur. Hetta er ein konsert, ið skal upplivast.

Hsueh-Yung Shen, er føddur í 1952 tætt við Washington, DC og byrjaði ungur, ja einans átta ára gamalur, at fáast við tónleik. Hann tók prógv sum tónaskald frá Stanford universitetinum í 1980, har hann eisini gav frálæru í tvey ár. Hann hevur eisini givið frálæru á Harvard í fýra ár. Síðani 1987 hevur hann búð í Austin, Texas, har hann spælir paukir við The Austin Lyric Opera. Til konsertirnar leikar tónaskaldið sjálvur á percussion.

Til konsertina framførir Aldubáran hesi verk:

Silver Memories duo

Serenade for a new dawn

A Birthday Fantasy – frumframførsla

Sinfonietta – frumframførsla

Luttakarar í Aldubáruni eru:

Sámal Petersen – violin Jón Festirstein – violin Angelika Nielsen – viola Andreas Restorff – cello Andrea Heindriksdóttir – flute Malin Klingborg – oboe Anna Klett – clarinet Christina Andersen – Bassoon Páll Sólstein – horn Johan Hentze – trumpet Ólavur Olsen – trumpet Alex Trotter – trombone Johannes Andreasen – piano Ólavur Jakobsen – guitar Hsueh-Yung Shen – percussion