Akkordarbeiðið er til stórt gagn

Heri Simonsen

A) Ruskinnsavnanin:

Ruskinnsavnarnir hava eina mán­adags til fríggjadags akk­ord. Tað merkir, at hava teir savn­að alt ruskið saman til brenn­i­støðina t.d. hós­morg­un, so hava ruskinn­savn­arnir frí inntil teir møta aftur næsta mánamorgun. Eru ring veðurlíkindi, sum t.d. kavi, hálka o.a. so verða teir sjálv­sagt seinni lidnir, í ring­astu førum: fríggjakvøld ella leyg­ar­morgun. Men flestu vik­ur­nar er rusk-innsavnanin ein motivasjónsfaktor ella ein “gularót” fyri rusk-inn­savn­arnar. Vit skattaborgarar sleppa skjótari av við ruskið. Ar­beiðsgevarin fær ar­beiðs­setn­ingin skjótari greiddan. Og eru øll væl vitandi um, at høvdu ruskinnsavnarnir ikki hesa einu gularótina: akkordina - hevði verið ó­møg­uligt at fingið nóg mik­ið av fólki til rusk­inn­savn­ing­ina, um man í heila tikið hevði fingið nakran til at gjørt hetta arbeiðið.

B) Landing av skipum:

Reiðarar sum hava átt skip, sum eru komin inn at landa á Skálafjørðinum, hava havt tveir valmøguleikar. At landa skipið bíligari fyri tím­a­løn á Toftum, ella at landa skip­ini dýrari, men skjót­ari(!) við einari akk­ord­skip­an í Runavík. Nógvir reið­ar­ar hava so valt akkord-land­ing­i­na í Runavík, tí so eru teir slopnir skjótari út aftur við skipunum. Arbeiðs­menn­i­nir á Toftum og í Runavík hava landað skipini sam­vitsk­u­fult, men undir heilt hvør sín­um treytum. Og orsøkin til munin hevur verið, at Run­avík hevur havt ein mot­i­va­sjóns­faktor/gularót, sum Toftir ikki hevur havt!

C) Vaskiarbeiðið á ídnaðarvirkjum:

Nógv fiska- og ídnaðarvirki hava bara ein skáa uppá 8 tím­ar um samdøgurið til vaskiarbeiðið. Hetta tí nógv virki eru í gongd 16 tímar um samdøgurið. Tí hava fleiri virkisleiðslur valt at bjóða vaskiarbeiði út sum akk­ord­arbeiðið. Hetta fyri at fáa tað gjørt skjótast gjør­ligt. Og fólkini, sum møta og gera hesi vaskiarbeiðið, møta við góðum treysti til hes­ar skeivu arbeiðstímarnir, og fáa arbeiðið væl frá hond­um greitt. Uttan akk­ord­ar­beiði hevði verið soltið við fólki til júst hesi arbeiði!

Niðurstøða:

Niðurstøðan av hesum má verða, at akkordarbeiðið er eitt gott samanspæl millum gløgg­ar og visjonerar leiðsl­ur og toppmotiveraði ar­beiðs­fólk. Tað er upp til hvønn ein­stakan arbeiðsgevara, um hes­in vil hava arbeiðsfólk, sum eru motiveraði ella ó­mot­i­ver­aði! Ymist er sum valt verður á hesum øki!

Við akkordkvøðu