Løgmaður fekk bara 462 atkvøður í mun til 1.554 á seinasta fólkatingsvali
Tað kostaði Sambandsflokkinum fólkatingssessin, sum hesaferð fór til Høgna Hoydal úr Tjóðveldi.
Afturgongdin í persónliga atkvøðutalinum hjá løgmanni var 1.092 atkvøður. Framgongdin hjá Edmundi Joensen var hinvegin 838 atkvøður. Hann fekk 2.416 atkvøður í mun til 1.578 atkvøður seinast.
Persónligi ósigurin hjá løgmanni einsamallur gjørdi, at Sambandsflokkurin gjørdist 166 atkvøður ov stuttur.
