Tey trý føroyingaliðini í bestu íslendsku hondbóltsdeildini vóru øll í leiki í kvøld, har tað í tí eina førinum var talan um eina føroyingauppgerð.
Liðið hjá Halli Arasyni og Sveina Olafssyni, Afturelding fór á heimavølli illa við liðnum hjá Jóhannes Bjørgvin, Stjarnan.
Afturelding vann stórsigur 40-21. Longu í steðginum vóru 12 mál á muni. 22-10 var hálvleiksstøðan.
Hallur var við seks málum næstbesti málskjúttin hjá Afturelding. Jóhannes var noteraður fyri eitt mál hjá útiliðnum.
Allan Norðberg, Bjarni í Selvindi og liðfelagarnir í Vali vunnu á heimavølli 37-32 (19-15) á steypavinnarunum, Fram.
Allan skoraði trý mál og Bjarni skoraði tvey mál.
Øll trý føroyingaliðini eru millum átta tey fremstu liðini í deildini.
Støðan (mbl.is):
##med2##
