Tað verður ein fyrrverandi spælari, sum skal hjálpa Sámal Eriki Hentze úti á Argjum. Talan er um Kenneth Jacobsen, sum hevur drúgvar royndir í bæði B36 og AB.
Sum skilst, so kunngjørdi AB í gjár fyri hópinum, at fyrrverandi spælarin verður knýttur at venjaratoyminum sum hjálparvenjari.
Kenneth Jacobsen hevur spælt 194 dystir í bestu deildini fyri B36 og AB. Hann spældi við B36 fram til 2007, tá hann skifti til AB í trý ár.
Argjamenn leita framvegis eftir einum framherja.
Mynd 1: Kenneth Jacobsen(Aftast: Nr 6 frá vinstru)
