Um hetta skal gerast, skulu vegastrekkini broytast so mikið nógv ? eitt nú autoerja setast millum vegabreytirnar og vegir breiðkast ? at hetta fer at kosta fimm milliónir krónur fyri hvønn kilometur, upplýsir Armgarð Steinhólm, leiðari á Ferðsludeplinum hjá Landsverki í ársfrágreiðingini fryi 2008.
Hon staðfestir tí, at tað fer at kosta 150 milliónir krónur at broyta nevndi vegastrekki.
Hon vísir eisini á, at munurin millum at koyra 80 og 90 km/t kann vera ein spurningur um lív ella deyða. Koyrir tú 80 er vandin fyri at doyggja 30%, um tú ert í frontalum samastoyti. Koyrir tú harafturímóti 90 er vandin fyri at doyggja 70%. Soleiðis meira enn tvífaldast vandin fyri at doyggja, um ferðmarkið verður hækkað.
Um vit rokna út, hvussu nógva tíð tú sparir á vegastrekkinum millum Klaksvík og Havnina – um hámarkferðin verður broytt á omanfyrinevndu vegastrekkjum – so sparir tú 90 sekund – ella hálvanannan minutt. So er spurningurin, um tað er 150 milliónir krónur – og 40 prosent størri vanda fyri at doyggja – vert...?
