Løgtingið hevur hækkað stuðulin til felagið Føroysk Træseglskip við 250.000 krónum til 850.000 krónur. Peningurin skal nýtast til at fremja neyðugar ábøtur á skipunum.
- At Løgtingið soleiðis framhaldandi vísir virðing fyri træseglskipunum og tí sjálvbodna arbeiði, ið har verður lagt í, kemur væl við, og styrkir okkum enn meira í trúnni á, at alt Føroya fólk stendur saman um at varðveita okkara siglandi arv og søguna um eina farandi tíð í føroyskum fólkalívi, skrivar felagið.
