Flaggdagurin er væl og virðiliga farin afturum, og tey mongu kappróðrarfólkini kring landið venja upp á lívið til FM-róðrarnar, har av tann fyrsti sum vant er á Norðoyastevnu í Klaksvík, sum í ár er í døgunum frá 28. til 30. mai.
Síðani eru FM-róðrarnir 19. juni á Sundalagsstevnu í Hósvík, 26. juni á jóansøku á Tvøroyri, 3. juli á varmakeldustevnu í Fuglafirði, 10. juli á Vestanstevnu í Sandavági, og seinasti róðurin er enn sum áður ólavsøkuaftan 28. juli.
82 bátsmanningar hava meldað seg til, og tað eru fýra færri enn í fjør. Størsta frágongdin er hjá 10-mannaførunum, sum eru farin úr 11 í fjør niður í átta í ár.
Millum fólk er størsti áhugin sum vant millum 10-mannaførini, har Eysturoyingur var suverenur í fjør og vann allar róðrarnar. Manningin hevur júst verið á Scilly oyggjunum og fingið gott úrslit í róðrinum har niðri, og nýggi báturin hjá Nes Sóknar Ítróttarfelag má eisini metast sum favorittur til at endurvinna føroyameistaraheitið í ár.
5-mannafør dreingir (18 bátar)
Báran
Blikur
Broddur
Bylgjan
Drekin
Dúgvan
Erla Kongsdóttir
Firvaldur
Havfrúgvin
Hvassi
Junkarin
Kollur
Royndin Fríða
Sílið
Súlan
Svanur
Tjaldrið
Ørnin
5-mannafør gentur (22 bátar)
Báran
Beinta
Blikur
Broddur
Bylgjan
Drekin
Dúgvan
Erla Kongsdóttir
Fípan Fagra
Firvaldur
Havfrúgvin
Hvassi
Junkarin
Kollur
Ritan
Royndin Fríða
Sílið
Súlan
Svanur
Ternan
Tjaldrið
Ørnin
6-mannafør kvinnur (12 bátar)
Fuglfirðingur
Gongurólvur
Hósvíkingur
Hvessingur
Jarnbardur
Kollfirðingur
Lómur
Páll Fangi
Riddarin
Snopprikkur
Sølmundur
Strálan
6-mannafør menn (10 bátar)
Fuglfirðingur
Gongurólvur
Hósvíkingur
Hvessingur
Jarnbardur
Kollfirðingur
Lómur
Snopprikkur
Strálan
Sølmundur
8-mannafør (12 bátar)
Argjabáturin
Fríggjarin
Gullbrandur
Knørrur
Kvívíkingur
Miðvingur
Nevið Reyða
Sandavágsbáturin
Sjóriddarin
Skúgvur
Víkarbáturin
Ørvur
10-mannafør (8 bátar)
Eysturoyingur
Havnarbáturin
Kjølur
Nólsoyingur
Skálabáturin
Suðringur
Vágbingur
Vestmenningur
