Myndugleikarnir í Shanghai siga, at skipið verður hildið aftur, tí at reiðaríið,Mitsui O.S.K.,skyldar nakrar rokningar frá 1930-árunum, tá Japan hersetti stórar partar av Kina.
Talsmaðurin hjá japonsku stjórnini, Yoshihide Suga, sigur við fjølmiðlarnar, at Kina slepti øllum krøvum um krígsskaðaendurgjald, tá londini skrivaðu undir ein sokallaðan normaliseringssáttmála í 1972. Kinesiska svarið er, at talan er um eitt sivilt mál, sum einki hevur við krígsskaðaendurgjald at gera.
Í Japan halda summir fjølmiðlar, at hendingin hevur samband við, at amerikanski forsetin, Barack Obama, skal vitja Asia hesa vikuna. Obama kom til Tokyo í dag, og sambært fjølmiðlunum hevur Kina lagt hald á skipið fyri at vísa, at landið hevur ongar ætlanir um at linka trýstið á Japan.
